ఈ పుట అచ్చుదిద్దబడ్డది
రేకు: 0213-02 బౌళి సం: 03-074 శరణాగతి
పల్లవి:
నన్ను నెవ్వరు గాచేరు నాఁటి పగెంతురుఁ గాక
నిన్న నేఁడీ రోఁతలై తే నీతి యౌనా నాకును
చ. 1:
దేవుఁడ నేనే యంటా తిరిగే నాస్తికుఁడనా
దేవతలకు మొక్కఁబోతే నిఁక నగరా
కావించి యింద్రియములే గతెని యిన్నాళ్లు నుండి
ఆవల జితేంద్రియుఁడనంటే నవి నగవా
చ. 2:
కర్మము దొల్లి సేయక కడుదూరమై ఇఁక నా-
కర్మము సేయఁగఁబోతే కర్మమే నగదా
దుర్మతి సంపారినై(???) తొయ్యలులకు మోహించి
అర్మిలి దూషించితేను అట్టె వారు నగరా
చ. 3:
నేనే స్వతంత్రుఁడనంటా నిండుదానాలెల్ల మాని
పూని యిఁకఁ జేయఁబోతే పొంచి యవి నగవా
నేనిన్నిటా సిగ్గుపడి నీ మరఁగు చొచ్చితిని
ఆనుకొని శ్రీవేంకటాధిపుఁడ కావవే