ఈ పుట అచ్చుదిద్దబడ్డది
రేకు: 0212-04 వరాళి సం: 03-070 శరణాగతి
పల్లవి:
పెంచి తమ పెట్టుఁజెట్టు పెరికివేయ రెవ్వరు
మంచివాఁడఁ గాకున్న మన్నించకుండేవా
చ. 1:
తెరువు దప్పి యడవిఁ దిరిగేటివారిఁ దెచ్చి
తెరువునఁ బెట్టుదురు తెలిసినవారలు
నరుఁడనై నేరక నడిచేటి నన్ను నీవు
మరిగించి కావక మానవచ్చునా
చ. 2:
దిక్కుమాలినట్టివారిఁ దెచ్చి దయగలవారు
దిక్కయి కాతురు వారి దిగఁదోయరు
తక్కక మాయలోఁ బడి దరిదాపు లేని నన్ను
వెక్కసాన రక్షించక విడిచేవా నీవు
చ. 3:
ఆవల భయపడ్డవా రంగడిఁ బడితే దొర-
లోపల విచారించి వూరడింతు రంతలోనే
శ్రీవేంకటేశ నీవు సృష్టికల్లా నేలికవు
వేవేలు మా మొర నీవు విచారించకుండేవా