ఈ పుట అచ్చుదిద్దబడ్డది
రేకు: 0212-03 శుద్ధవసంతం సం: 03-069 శరణాగతి
పల్లవి:
చేకొనువారికి చేరువిదే పైకొను జీవుల భాగ్యమిదే
యే కడఁ జూచిన యితరము లేదు
చ. 1:
తలఁపులోన నంతర్యామిదివో
తెలిసి చూచితే ద్రిష్టంబు
చలమునఁ దన మతి సందేహించిన
కలఁగి మూఁడులోకంబుల లేఁడు
చ. 2:
వెసఁ గను దెఱచిన విశ్వాత్మకుఁడిదె
దెసల నింతటా ద్రిష్టంబు
పసిగొని తనుఁ బాపములు భ్రమించిన
కసరి సృష్టి చీఁకటిపడునపుడే
చ. 3:
చేరి కొలిచితే శ్రీవేంకటపతి
సారె బ్రతుకునకు శాసనము
పైరగు తనలో భక్తి వదిలితే
కూరిమి తెర మఱుఁగునకును మఱఁగు