ఈ పుట అచ్చుదిద్దబడ్డది
రేకు: 0211-06 పాడి. సం: 03-066 శరణాగతి
పల్లవి:
వాఁడివో వీఁడివో హరి వలసినవారికెల్లా
మూఁడు లోకముల మరి మొరఁగఁ జోటేది
చ. 1:
బహిరంతరాన హరి ప్రత్యక్షమై యుండఁగాను
సహజానఁ బ్రత్యక్ష విచారమేల
ఇహములోఁ గలవెల్లా యీతని లీలై యుండఁగా
విహరించే లీల వేరే వెదకనేలా
చ. 2:
మనికై యన్నిటానుండి మాటలాడుచుండఁగాను
వెనక హరి మాటలు వేరేవున్నవా
కనుచూపతఁ డంతటా కలగొనఁ జూడఁగాను
చనవిచ్చి కృపాదృష్టి చల్లుమననేలా
చ. 3:
నెలవై యాతఁ డిన్నిటా నిండుకొనియుండఁగాను
అలరి వేరే వచ్బీనననేలా
యెలమి శ్రీవేంకటేశు యిచ్చకొలఁదే యింతా
పలుమారు నిట్టట్టని భావించఁ దగునా
