ఈ పుట అచ్చుదిద్దబడ్డది
రేకు: 0300-03 ధన్నాసి సం: 03-580 శరణాగతి
పల్లవి:
పరిణామమే మాకుఁ బతివి నీవు గలుగ
శరణాగతే మాకు సకలరక్షయ్యా
చ. 1:
నుదుటి వ్రాసిన వ్రాఁత నూఁటికి నీ తిరుమణి
యెదురేది మాకు నేఁడు యేఁడులోకాల
పెదవి మీఁదటి తేనె పేరుకొనే నీ జపము
అదన మాకు నదివో అక్కరలేదయ్యా
చ. 2:
చేతికి వచ్చిన సొమ్ము చేరె నీ శంఖుచక్రాలు
ఘాతల మా కిఁక నేది గడమ లేదు
నీతితో వెనుబలము నీ దాసుల సేవ
రాతిరిఁబగలు నిదె రాజుల మోయయ్యా
చ. 3:
తొల్లిఁటి పుణ్యఫలముతోడనే నీ సంకీర్తన
తల్లిదండ్రి నీవు నీ తరుణియును
యెల్లగా శ్రీవేంకటేశ యిన్నియుఁ గలిగె మాకు
చల్లఁగా బ్రతికితిమి జయ మందవయ్యా