ఈ పుట అచ్చుదిద్దబడ్డది
రేకు: 0300-04 పాడి సం: 03-581 శరణాగతి
పల్లవి:
ఇందులోన నే నెవ్వరిఁబోలుదు
అంది వీవాఁడ నే ననుకొంటిఁ జుమ్మీ
చ. 1:
జలజనాభ నీ శరణనువారలు
అల నారదసనకాదులు
కెలన మరియు నీ కింకరవర్తులు
తెలిసిన బ్రహ్మాదిదేవతలు
చ. 2:
నోరార హరి నిను నుతించువారలు
చేరువ నుండేటి శేషాదులు
ధారుణిలో నీదాసాన(ను?)దాసులు
మారుతిముఖ్యులు మహామహులు
చ. 3:
బడి నీచే ముక్తి వడసినవారలు
సుడిగొను మునిజన శుకాదులు
కడఁగిన శ్రీవేంకటపతి నీవే
తడవి నన్ను దయదలఁచుమీ
