ఈ పుట అచ్చుదిద్దబడ్డది
రేకు: 0300-01 దేసాక్షి సం: 03-578 అధ్యాత్మ
పల్లవి:
ఇందరు నెఱిఁగినదీ బదుకు
పొందినదాఁకా భోగించవలయు
చ. 1:
పొట్టఁ బొరుగులివె పుణ్యపాపములు
నట్టనడుమనే నా బదుకు
వెట్టిమోపువో వెడ సంసారము
ముట్టినదాఁకా మోవఁగవలెను
చ. 2:
తోడునీడ యిది తొలఁగని జన్మము
యేడకుఁ బోరాదు యీ బదుకు
వీడని కట్లు వెడవెడ యాసలు
వూడినదాఁకా నుండఁగవలెను
చ. 3:
చేతిలో ధనము శ్రీవేంకటపతి
యీతని తోడిదె యీబదుకు
ఆతుమలోనే యల వైకుంఠము
ధాతు మాతుగని తలఁచఁగవలెను
