ఈ పుట అచ్చుదిద్దబడ్డది
రేకు: 0299-05 ముఖారి సం: 03-576 వైరాగ్య చింత
పల్లవి:
నానాఁటి బదుకు నాఁటకము
కానక కన్నది కైవల్యము
చ. 1:
పుట్టుటయు నిజము పోవుటయు నిజము
నట్టనడిమి పని నాఁటకము
యెట్టనెదుటఁ గలదీ ప్రపంచమును
కట్టఁగడపటిది కైవల్యము
చ. 2:
కుడిచే దన్నము కోక చుట్టెడిది
నడుమంత్రపు పని నాఁటకము
వొడిఁ గట్టుకొనిన వుభయకర్మములు
గడి దాఁటినపుడే కైవల్యము
చ. 3:
తెగదు పాపమును తీరదు పుణ్యము
నగినగి కాలము నాఁటకము
యెగువనె శ్రీవేంకటేశ్వరుఁ డేలిక
గగనము మీఁదిది కైవల్యము