ఈ పుట అచ్చుదిద్దబడ్డది
రేకు: 0299-04 లలిత సం: 03-575 శరణాగతి
పల్లవి:
నీవెటు దలఁచిన నిఖిలము నట్టౌ
యేవల స్వతంత్ర మింతా నీది
చ. 1:
యేఁటి పురాకృత మెక్కడి కర్మము
దాఁటక హరి నీ దయ గలిగితే
నీటున నిన్నియు నీ కల్పితములు
పాటించి నీవే పాపఁగలేవా
చ. 2:
యెక్కడి జన్మము లెక్కడి మరణము-
లొక్కఁడవె నీవు వొద్దంటే
యెక్కువ నిందరి నేలెటివాఁడవు
యిక్కడఁ గొలిచితి మితరము లేలా
చ. 3:
యేది పాపము యేది పుణ్యము
పోదిగ నీవే పొమ్మంటే
చేదో డిందుకు శ్రీవేంకటేశ్వర
ఆదె నిను శరణంటిమి గొంత