ఈ పుట ఆమోదించబడ్డది
రేకు: 0298-04 సౌరాష్ట్రంసం: 03-569 విష్ణు కీర్తనం
పల్లవి:
మరల విచారించితే మంచము కిందే నుయ్యి
శిరుల హరివారైరి శివాదులు
చ. 1:
ఆడేటి మాటలకెల్ల నాది నంతము లేదు
వీడని కర్మములకు విధి లేదు
తాడుపడ్డ మనసుకు దైవము విష్ణుఁడేయని
పాడి కొలిచిరి తొల్లి బ్రహ్మాదులు
చ. 2:
వుట్టిపడే జన్మముల కూరట యెందూ లేదు
కట్టడి ఇంద్రియాలకు గతి లేదు
తట్టువడ్డ జీవునికి దైవము శ్రీహరియని
యిట్టె మొర యిడిరి యింద్రాదులు
చ. 3:
కప్పిన యీ మాయలకు కడవ రెందూ లేదు
తిప్పని హరిభ క్తికిఁ దిరుగు లేదు
వొప్పుగా శ్రీవేంకటేశుఁ డొక్కఁడే దైవమని
చొప్పువట్టి కొలిచిరి శుకాదులు