ఈ పుట ఆమోదించబడ్డది
రేకు: 0298-05 సామవరాళి సం: 03-570 మాయ
పల్లవి:
ఏ వల్ల నౌఁగాము లిఁక నేవి అన్నియు నీలోనే
శ్రీవల్లభుఁడ నిన్నుఁ జేఱితిమి నేము
చ. 1:
సగుణనిర్గుణములును సావయవనిరవయవ-
మగుఁ దర్కవాదకలహములు ఘనము
జగములో చదువులును సంశయంబే కాని
తెగనీదు నీ మాయ తెలియ వసమా
చ. 2:
వేదమార్గము గొంత వేదబాహ్యము గొంత
పోది మతములవారి పోరు ఘనము
పాదైన మునిరుషులు బహుముఖములే కాని
సోదించి వొకమాట చూపంగ లేరు
చ. 3:
వెస గర్మ మొకవంక విజ్ఞాన మొకవంక
వసగావు రెంటి బలవంతములును
వసుధ శ్రీవేంకటేశ్వర నీవు గావు మిఁక
ముఁసుగు వెట్టినవాదు ముగియదెంతైనా