ఈ పుట ఆమోదించబడ్డది
రేకు: 0297-05 శ్రీరాగం సం: 03-564 విష్ణు కీర్తనం
పల్లవి:
ఓహో నిలిచిన దొకటిదియే
శ్రీహరి సాకారచింతనము
చ. 1:
పంచమవేదపు పద్మాక్షునామము
అంచెఁ బాపహర మౌషధము
పంచలఁ బీతాంబరు శరణాగతి
ముంచిన యజ్ఞానమునకు దీపము
చ. 2:
విందులకుడుపులు విష్ణుకీర్తనము
చందపు వైకుంఠ(ము?) సంబళము
పొందుగ నచ్యుతుఁ బూజించు పూజలు
కిందటఁ గొనకెక్కెడి నిచ్చెనలు
చ. 3:
కట్టిన ముడుపగు ఘన కృష్ణభక్తి
ముట్టిన పాపవిమోచనము
యిట్టే శ్రీవేంకటేశ్వరు కృప యిది
పట్టినవారికి బలువగు కొమ్ము(మ్మ?)