ఈ పుట ఆమోదించబడ్డది
రేకు: 0295-02 సామంతం సం: 03-549 అధ్యాత్మ
పల్లవి:
గోవిందుదాసులమై కొన కెక్కుదుముఁ గాక
వేవేలు విధుల నమ్మి వెతఁబడఁగలమా
చ. 1:
మనసు లోపలి మామర్మము దెలియలేము
ఘనుఁడైన హరి నెట్టు గానఁగలము
తనువుతో భోగాలు తగులు వీఁడగలేము
వెనక కర్మపాశాలు వీడించుకోఁగలమా
చ. 2:
వడిఁ బెట్టే యింద్రియాల వద్దని మానుపలేము
తొడరి సంసారము తోయఁగలమా
బడిబడి నానాటి బతుకు చెప్పుకోలేము
పొడలేటి యితరుల బోధించఁగలమా
చ. 3:
కొంకక ఆడిన మాట గురుతు వెట్టఁగలేము
లంకె వేదవాక్యము దలఁచఁగలమా
యింకా శ్రీవేంకటేశుఁ డితఁడే మా దేవుఁడని
సంకెలేకుందుముఁ గాక జాలిఁబడఁగలమా
