ఈ పుట ఆమోదించబడ్డది
రేకు: 0295-01 తెలుగు కాంభోధి సం: 03-548 గురు వందన, నృసింహ
పల్లవి:
ఇందునే తుదిపద మెక్కి రిందరును
మందరధర నీ మహిమిదివో
చ. 1:
మరిగిన పుణ్యుల మతిలో కోరిక
పరమపు హరి నీ పాదములు
గరిమ గోపికలు గావలెనన్నది
హరి నీ సంభోగ మదియెపో
చ. 2:
పొంచి వేదములు పొగడెడి యర్థము
అంచెల గుణకథ లవి నీవి
పంచి యజ్ఞముల ఫలమై యున్నవి
నించి దేవ నీ నిజపూజలెపో
చ. 3:
కైవల్యమునకుఁ గడుఁ దెరువై నది
ఆవల నీ శరణాగతియే
శ్రీవేంకటేశ్వర చెప్పె మా గురుడు
మావద్ద నిదె నీ మంత్రమెపో