ఈ పుట అచ్చుదిద్దబడ్డది
రేకు: 0209-06 బౌళి సం: 03-054 ఉపమానములు
పల్లవి:
వట్టిమోపు మోయనేల వడిఁ ములుగఁగనేల
పట్టిన నేమముతోడ బ్రదుకఁగ వలదా
చ. 1:
తల్లిదండ్రి గలవారు తమ లేములెఱఁగక
చెల్లపిళ్లలై యాటలఁ జెందినయట్టు
వుల్లములో హరి నమ్మి వుండిన ప్రపన్నులెల్ల
పల్లదాన నిర్భరులై బ్రతుకఁగ వలదా
చ. 2:
మగఁడు గల సతులు మంచి ముత్తైదువలై
యెగువ నితరమార్గా లెరఁగనట్టు
నగుతా లక్ష్మీపతి నమ్మిన ప్రపన్నులెల్ల
పగటుఁ గర్మము మాని బ్రదుకఁగ వలదా
చ. 3:
యేలికె నమ్మినబం టేరికిఁ బ్రియము చెప్ప-
కోలిఁ బతివాకిలి గాచుండినయట్టు
తాలిమి శ్రీవేంకటేశు దాసులైన ప్రపన్నులు
పాలించినాతని నమ్మి బ్రతుకఁగ వలదా
