ఈ పుట అచ్చుదిద్దబడ్డది
రేకు: 0210-01 భూపాళం సం: 03-055 శరణాగతి
పల్లవి:
నీ యాధీనములింతే నిఖిల ప్రపంచమును
మాయాకృతము నీవు మానుమంటే మానదా
చ. 1:
నీకు నరుహంబైన నిండిన యీ మనసు
కాకువిషయాల పాలుగా నరుహమా
చేకొని నీవు పెరరేఁచిన యీ చైతన్యము
పైకొని అకర్మముల పాలు సేయఁదగునా
చ. 2:
అంచల నీ వంతర్యామివైన యీ దేహము
పంచేంద్రియముల కొప్పన సేతురా
యెంచఁగ నీకుక్షిలోన నెత్తిన యీ జన్మము
కొంచెపు భోగములకు గురి సేయవలెనా
చ. 3:
శ్రీవేంకటేశ నీకుఁ జిక్కిన యీ దాస్యము
యీవల సంసారమున కియ్యవలెనా
దేవుఁడవు వీవేయని తెలిపితివిదే మాకు
జీవులము మమ్మునిఁక చిమ్మిరేఁచ నేఁటికి
