ఈ పుట అచ్చుదిద్దబడ్డది
రేకు: 0209-04 లలిత సం: 03-052 అద్వైతము
పల్లవి:
అయ్యో వికల్పవాదులంతటా సిగ్గువడరు
యియ్యెడ నెట్టుగలిగె నీ యసురమతము
చ. 1:
నీ ముద్రలూ నొల్లరు నీదాసోహము నొల్లరు
కామించి నీ మీఁది భక్తి కడు నొల్లరు
నామమంత్రము నొల్ల రనామయుండ వనెందురు
తాము వైష్ణవుల మంటాఁ దర్కింతురు
చ. 2:
పైతృకవేళ నీపస్రాదమూ నొల్లరు
ఘాతల నూర్ద్వపుండ్రము గాదందురు
జాతర దైవాల నిన్ను సరిగాఁ బూజింతురు
ఆతల వైష్ణవులు దామనుకొందురు
చ. 3:
శ్రీవైష్ణవులఁ గంటేఁ జేతులెత్తి మొక్కరు
భావింతురు పగవారిఁబలెఁ గన్నట్టు
ఆవల వైకుంఠమూ ననిత్యమందురు
కావించి వైష్ణవులము కామా నేమందురు
చ. 4:
వరుస రావణాదుల వలె నెజ్ఞాలు సేతురు
సరుస నట్టే వేదమూఁ జదువుదురు
నిరతి శ్రీవేంకటేశ నీ మహిమ లెరఁగక
అరిది వైష్ణవులమే యని యాడుకొందురు
