ఈ పుట అచ్చుదిద్దబడ్డది
రేకు: 0209-02 దేసాళం సం: 03-050 అధ్యాత్మ
పల్లవి:
ఎన్నఁడు దీరీ నీ తెందేపలు
పన్నిన జీవుల బంధములు
చ. 1:
భారపుఁ జిత్తము ప్రవాహరూపము
వూరెటి మదములు వూటెత్తె
తీర వింద్రయపు దేహభ్రాంతులు
కోరేటి కోర్కులఁ గొండలు వెరిగె
చ. 2:
ఉడికేటి పాపము లుగ్రనరకములు
తొడికేటి కర్మము తోడంటు
విడువవు భవములు వెంటవెంటనే
చిడుముడిఁ జిత్తము చీఁకటి వడెను
చ. 3:
రపణపు భవములు రాట్నపుగుండ్రలు
చపలపు బుద్ధులు జలనిధులు
ఇపుడిదె శ్రీవేంకటేశుఁడ నీవే
కపటము వాయఁగఁ గరుణించితివి
