ఈ పుట ఆమోదించబడ్డది
రేకు: 0286-06 పాడి సం: 03-499 రామ
పల్లవి:
సౌమిత్రిసహోదర దశరథరామా
చేముంచి గుత్తిలో వెలసిన రఘురామా
చ. 1:
చెలిమి సుగ్రీవుతోడఁ జేసిన రామ తొల్లి
శిలనుఁ బడఁతిఁ గావించిన రామా
చెలరేఁగిన వానరసేనల రామా
శిలుగు మాయామృగముఁ జించిన రామా
చ. 2:
తరణివంశ తాటకాంతక రామా
నరనాథ కౌసల్యానందన రామా
సిరులఁ బెండ్లాడిన సీతారామా
గరిమతో సేతువు గట్టిన రామా
చ. 3:
రావణాది దనుజహరణ రామా
కావించి విభీషణునిఁ గాచిన రామా
దీవెన లయోధ్యలోఁ జెందిన రామా
శ్రీవేంకటాద్రిమీఁది శ్రీరామా