రేకు: 286-05 భైరవి సం : 03-498 శరణాగతి
| పల్లవి : |
అటమీఁద శరణంటి నన్నిటా మాన్యము నాకు
యెటు సేసినాఁ జెల్లె నిఁకనేల మాటలు
|
|
| చ. 1: |
ఏది పుణ్యమో నాకు నేది పాపమో కాని
శ్రీదేవుఁడవు నీవే సేయించేవు
సేదదీర నా మీఁదఁ జిత్రగుప్తుఁ డేల వా(వ్రా?) సీ
మేదిని స్వతంత్ర మేది మెరయ నీబంటను
|
|
| చ. 1: |
పుట్టినట్టి తెరువేదో పోయేటి జాడ యేదో
పుట్టించితి నీవే పురుషోత్తమ
వెట్టి సంసారబంధాలు వెంటవెంట నేలవచ్చీ
ఇట్టే యెవ్వరివాఁడ నిందులోన నేను
|
|
| చ. 1: |
చిత్త మెటువంటిదో జీవుఁ డెటు వంటి వాఁడో
హత్తిన శ్రీవేంకటేశ అంతరాత్మవు
యెత్తిన మదము నిన్ను నేల కాననియ్యదాయ
నిత్తెము తొల్లే నేను నీవాఁడఁగాన
|
|
