పుట:తాళ్ళపాక పదసాహిత్యం - మూడవ భాగం.pdf/499

రేకు:0286-04 రామక్రియ సం  : 03-497 శరణాగతి

పల్లవి :⁠

పంచేంద్రియములాల పంచభూతములాల అంచెలఁ దొమ్మి సేయకురో మీరు

⁠

చ. 1:⁠

కొందరికి మంచివాఁడ కొందరికిఁ గానివాఁడ నిందకుఁ గీర్తికిఁ బొత్తు నే నొకఁడనే అంది నిద్దిరించువాఁడ నటు మేలుకొనువాఁడ బొందితో నెఱుక మఱపులకు నొక్కఁడనే

⁠

చ. 1:⁠

దైవము నిర్మించినది ధరణిఁ బొడమినది యీవలావలికిఁ బొత్తు యీ దేహమే వేవేలు పుణ్యములకు వెలయుఁ బాపములకు యీవల రెంటికి గురి ఇదివో నా మనసు

⁠

చ. 1:⁠

తుంచి సగమటు వోవు తోడనే సగము వచ్చు పంచి లోనికి వెలికిఁ బ్రాణమొక్కటే కొంచక శ్రీవేంకటేశుఁ గొలిచి నే శరణంటి మంచివాయఁ బనులెల్లా మమ్ముఁ గాచె నితఁడు

⁠