రేకు: 0279-01 రామక్రియ సం: 03-453 విష్ణు కీర్తనం
పల్లవి : |
బలువుఁడు నాతఁడే బంధువుఁడు నాతఁడే
తలఁ చాతనికి మొక్కఁ దగులింతే నేము
|
|
చ. 1: |
దైవమే భారకుఁడు ధరణి రక్షించుటకు
భావింప నరులచేఁత్ర పనిలేదు.
శ్రీవల్లభుఁ డతఁడు నేసినట్టల్లా నవును
వావాత ననుభవించేవారమింతే నేము
|
|
చ. 2: |
హరియే స్వతంత్రుఁడు అన్నిపనులుగాఁ జేయ
పరుల వుద్యోగాలు పనిలేవు
సురనాథుఁ డాతఁడు చూచినట్టల్లా నవును
వరుసతోఁ దిరిగాడేవారమింతే నేము
|
|
చ. 3: |
సకలేశుఁడే కర్త జగములు గాచుటకు
ప్రకటించ నేర్పులు పనిలేవు
వొకట శ్రీవేంకటేశుఁ డొనరించినట్లవును
సుకియించి పొగడేటి సుద్దులింతే నేము
|
|