రేకు: 0276-02 లలిత సం: 03-437 ఉపమానములు
| పల్లవి : |
సొమ్ము గలవాఁడు తన సొమ్ము చెడనిచ్చునా
కమ్మి నీ సొమ్మను నేను కాపాడవే హరి
|
|
| చ. 1: |
పసుర మడవిఁ బడ్డ పసురము గలవాఁడు.
దెసలు వెద కింటికిఁ దెచ్చు కొన్నట్టు
వసగా నాసల లోన వడిఁబడ్డ నా మనసు
యెసగ మళ్లించవే నన్నేలిన గోవిందుఁడా
|
|
| చ. 2: |
గొందిఁ బంట సేయువాఁడు కొలుచులు పరకళ్లఁ
జిందకుండా గాదెఁ బోసి చేరి కాచీని
కందువ మమ్ముఁ బుట్టించి కన్నవారి వాకిళ్లఁ
జెంది కావనియ్యకువే జీవునిలో దేవుఁడా
|
|
| చ. 3: |
కడుపులోని శిశువు కన్నతల్లి(?) దన్నితేను
బెడగు లెంక కని పెంచీనటా
యెడమీక శ్రీవేంకటేశ నీకుక్షిలో నేను
తడవి తప్పుసేసినా దయఁ గావవే
|
|
