రేకు: 0276-01 రామక్రియ సం: 03-436 వైరాగ్య చింత
| పల్లవి : |
ఎంత గాలమైనాను హెచ్చీ నాసలు శ్రీ-
కాంతుఁడ వింతటనై నాఁ గరుణించరాదా
|
|
| చ. 1: |
పచ్చితనానఁ దిరిగి పండవద్దా చిత్తము
గచ్చులఁ దాఁ గనుఁగాయే కలకాలము
చచ్చి చచ్చి పుట్టి పుట్టి జారవద్దా కర్మము
కొచ్చి కొచ్చి సేసి సేసి గోరపడీఁ గాక
|
|
| చ. 2: |
రోఁత గడుపున నించి రోయవద్దా దేహము
కూఁతలతో రుచులెల్లాఁ గోరీఁగాక
చేఁతలు యీగుణమైన సిగ్గుపడవలదా
బాఁతిపడి విషయాలఁ బరచయ్యీఁ గాక
|
|
| చ. 3: |
నానాఁడే విరతిఁబొంది నవ్వు నవ్వవలదా
మానక యీ జీవుఁ డనుమానించీఁ గాక
మోనాన శ్రీవేంకటేశ మొక్కి నీదాసుడఁ గాఁగా
అనిన విన్నియుఁ బరిహరమయ్యీఁ గాక
|
|
