రేకు: 0274-02 లలిత సం: 03-425 అంత్యప్రాస
| పల్లవి : |
ఇన్నిటా శ్రీహరిభక్తి యిది లాభము
పన్నిన తపముచేత బడలుటే లాభము
|
|
| చ. 1: |
యెనయఁ గర్మదేహ మిదెన్ని పాట్లు వచ్చినా
ననుభవించి తీరుచు టది లాభము
తన పాపవర్తన యితరు లెంత నిందించినా
ననుమానించక పడుటది లాభము
|
|
| చ. 2: |
తగు సంసారజీవుఁడు తన్నెంత వేసరించినా
నగి రుణము దీర్చుట నానా లాభము
చిగురువంటి చిత్తము చేరి యెందు చెప్పినాను
తగిలి యలయుటే దక్కినట్టి లాభము
|
|
| చ. 3: |
శ్రీవేంకటేశ్వరుఁడు జీవములో నుండఁగాను
యేవేళ నెట్లయినా నివి లాభము
పావనమైనట్టి యాత్మభావమెంత మఱచినా
ఆవల నానందించుటది లాభము
|
|
