రేకు: 0273-05 నారాయణి సం: 03-422 శరణాగతి
పల్లవి : |
దేవ నీ పక్షపాతమో తిరిగే లోకుల వెల్తో
శ్రీవిభుఁడ నీవే కాదా చిత్తములోనయ్యా
|
|
చ. 1: |
దివములు సరియే దినరాత్రులును సరే
యివల సుఖదుఃఖాలు హెచ్చుకుందులేలయ్యా
భవములు సరియే ప్రాణములు సరియే
భువిఁ బుణ్యపాపముల భోగము వేరేలయ్యా
|
|
చ. 2: |
వినికిందరి కొకటే విషయాలు నొకరీతే
మునిఁగేటి జాతిభేదము లివేలయ్యా
అనయముఁ జూపొక్కటే ఆఁకలియు నొకటే
పెనఁగేటి గుణముల పెక్కుజాడ లేలయ్యా
|
|
చ. 3: |
అంతరాత్మ నీ వొక్కడ వన్నిటా శ్రీవేంకటేశ
చింతలు వేవేలైన సిలుగేలయ్యా
యింత సేసీ నీ మాయ లిందుకే నీ శరణంటే
కాంతుఁడ న న్నిందుకే కాచితివి నేఁడయ్యా
|
|