పుట:తాళ్ళపాక పదసాహిత్యం - మూడవ భాగం.pdf/420

రేకు: 0273-01 బౌళి సం: 03-418 కృష్ణ

పల్లవి :⁠

దేవశిఖామణివి దిష్టదైవమవు నీవు యీవల నీ బంట నాకు నెదురింక నేది

⁠

చ. 1:⁠

కామధేనువుఁ బిదుకఁగల కోరికెలివెల్ల కామధేనువులు పెక్కుగాచే కృష్ణుఁడవట కామించి నీ బంటనట కమ్మి నిన్నుఁ దలఁచితి- నేమి మాకుఁ గడమయ్య యిందిరారమణా

⁠

చ. 12:⁠

యెంచఁ గల్పవృక్షమును యిచ్చు సిరులెల్లాను నించి కల్పవృక్షముల నీడల కృష్ణుఁడవట అంచెల నీ బంటనట ఆత్మలో నిన్ను నమ్మితి వంచించఁ గడమ యేది వసుధాధీశ

⁠

చ. 3:⁠

తగ నొక్క చింతామణి తలఁచినట్లఁ జేసు మిగులఁ గౌస్తుభమణి మించిన కృష్ణుఁడవట పగటు శ్రీవేంకటేశ భక్తుఁడ నీకట నేను జగములో గొఅతేది జగదేకవిభుఁడా

⁠