రేకు: 0272-06 లలిత సం: 03-417 శరణాగతి
| పల్లవి : |
నిలిచిన చోటనెల్లా నిధాన మీతఁడు
యిల వెఱవ వెఱవ నేమిటీకి నిఁకను
|
|
| చ. 1: |
హరి నాకుఁ గలఁడుగా అన్నిటిఁ బరిహరించ
నిరతి గర్మములెంత నిండుకుండినా
దరిదాపు ఇతఁడేకా తగ వెనుక వేసుకో
విరవిరఁ బాపాలు నా వెంటఁ బడినాను
|
|
| చ. 2: |
గోవిందుఁడు గలఁడుగా కొంకు దీర్చి ననుఁ గావ
కావరపు భవములు గదిమినాను
దేవుఁడితఁ డున్నాఁడుగా దిక్కుదెపై నిలుపఁగా
భావపు సంసారవార్ధి పైకొని ముంచినను
|
|
| చ. 3: |
శ్రీవేంకటేశుఁడే చిత్తగించి నన్నేలెఁగా
వావాత నింద్రియాలు వళకాడినా
యీవల నావల నితఁ డిహపరా లిచ్చెఁగా
వావిరి నే దాస్యగర్వముతో నుండినను
|
|
