రేకు: 0272-02 ముఖారి సం: 03-413 వైష్ణవ భక్తి
| పల్లవి : |
విష్ణుఁడ వచ్యుతుఁడవు విశ్వపరిపూర్ణుఁడని
వైష్ణవు లానతియ్యఁగా వట్టి చదువులేల
|
|
| చ. 1: |
వెన్న చేతఁబట్టి నేయి వెదకఁగ నిఁకనేల
నిన్ను లోన నించుకొని నిజమేదో యననేల
వున్నతి దీపమువట్టి వొగి నూతఁబడనేల
పన్ని నీ దాస్యము గల్గ బహుకర్మమేల
|
|
| చ. 2: |
చాలాధనము గల్గి సంతలఁ దిరియనేల
నాలుక నీ పేరు గల్గ నానాజపములేల
కాలము నేరు గుడిచి కాలువ వొగడనేల
పాలించ నీ వుండఁగాను పరచింతలేల
|
|
| చ. 3: |
మిన్ను చూచేయందుకుఁగా మిక్కిలి తోదోపు లేల
అన్నిటా నీవుండఁగాను అడుగనేల
యెన్నఁగ శ్రీవేంకటేశ యిందరి నేలేవు నీవే
నిన్నే కొలుచుటఁ గాక నీటుగర్వాలేల
|
|
