పుట:తాళ్ళపాక పదసాహిత్యం - మూడవ భాగం.pdf/412

రేకు: 0271-05 ఆహిరి సం: 03-410 శరణాగతి

పల్లవి :⁠

నీకే శరణంటి నిన్నే నమ్మితినయ్య పైకొని శ్రీహరి నీవే పరిహరించవే

⁠

చ. 1:⁠

విజ్ఞానములు గొన్ని విందు నే నూరకే సుజ్ఞానములు గొన్ని చూతు నే నేపొద్దు అజ్ఞానము నే ననిశము నడచేది ప్రజ్ఞాహీనుఁడ నెంత పాపకర్మమో

⁠

చ. 2:⁠

సుకృతము లోకమరి సొరిది నే బోధింతు ప్రకృతి యొక్కొక వేళ భావింతు నాత్మలో అకృతములే నే ననిశముఁ జేసేది వికృతాచారుఁడ నింకా వికార మెంతో

⁠

చ. 3:⁠

ధర్మమార్గమూఁ గొంత తలఁపున నెరిఁగితి నిర్మలచిత్తమై మోక్షనిలయము నెరిఁగితి నిర్మించి శ్రీవేంకటేశ నీవు నన్ను నేలఁగాను మర్మ మెరిఁగితి నెట్ల మన్ననఁ గాచితివో

⁠