రేకు: 0270-05 మాళవిగౌళ సం: 03-405 శరణాగతి
| పల్లవి : |
రుచులు నే నిటు గొనని వేడవి రోఁతలయ్యెడిఁగాక నేఁడు
వచనముల హరి నీకు శరణని వసుధఁ బావనమైతిఁ గాక
|
|
| చ. 1: |
నేను సేయని పాపమేడది నిఖిలలోకములందును
నేను చొరని నరకమేడది నెఱయ దుర్గతుల
నేను పొడమని యోనులేడవి నిఖిలజంతువులందును
పూని హరి నిను శరణుచొరఁగాఁ బుణ్యుఁగాఁ జేసితివిఁ గాక
|
|
| చ. 2: |
నిరతి వాడని కల్లలేడవి నేను నాలుక తుదలయందును
పొరలి నడపని కర్మమేడది భువి ననాచారములలో
తిరిగి తిరిగి నీచులిండ్లను తిరియనర్థము లింకనేడవి
గరిమ హరి నే నిన్ను శరణనఁగాను ఘనుఁ జేసితివిఁ గాక
|
|
| చ. 3: |
తలఁప నజ్ఞానములు నపరాధములు నాయెడ లేనివేడవి
యెలిమి నన్నిట్లేలఁ దగునా యేలితివిఁ గాక
నిలిచి శ్రీవేంకటగిరీశ్వర నీకు శరణనుమాత్ర మింతే
కలసి నాయెడనేమి గంటివి కాచితివి భువనములలోను
|
|
