పుట:తాళ్ళపాక పదసాహిత్యం - మూడవ భాగం.pdf/369

రేకు: 0264-01 శుద్ధవసంతం సం: 03-367 ఉపమానములు

పల్లవి :⁠

కడనుండే విజ్ఞానికిఁ గా దిటువలెను వొడలి రోఁతలు చూచి వూరకైనా నవ్వును

⁠

చ. 1:⁠

ఆఱడిఁ బాము గరచినట్టివాఁడు దినఁబోతే జాఱని వేఁప చేఁదైనాఁ జప్పనై తోఁచు వీఱిడై సంసారపువిష మెక్కినవానికి చూఱలై హేయకాంతలు సుఖములై తోఁచును

⁠

చ. 2:⁠

చెంగట వెఱ్ఱివానికి చేసిన చేఁతలెల్ల తొంగలించి వివేకాలై తోఁచినట్లు మింగుచుఁ గర్మపు నాము మేసిన సంసారికి అంగడి కర్మమే బ్రహ్మమై తోఁచును

⁠

చ. 3:⁠

జగమిది యొక్కటే చవులు వేరేవేరే మొగి నెఱుకమఱపు ముడిచున్నది. పగటు శ్రీవేంకటేశుఁ బట్టి కొలువనివాఁడు తెగని మాయలలోనఁ దేలాడవలసె

⁠