పుట:తాళ్ళపాక పదసాహిత్యం - మూడవ భాగం.pdf/367

రేకు: 0263-05 మాళవి సం: 03-365 ఉత్సవ కీర్తనలు

పల్లవి :⁠

వీఁడు గదే శేషుఁడు శ్రీవేంకటాద్రి శేషుఁడు వేఁడుక గరుడనితోఁబెన్నుద్దైన శేషుఁడు

⁠

చ. 1:⁠

వేయివడిగెలతోడ వెలసిన శేషుఁడు చాయమేని తళుకు వజ్రాల శేషుఁడు మాయని శిరసులపై మాణికాల శేషుఁడు యే యెడ హరికి నీడై యేఁగేటి శేషుఁడు

⁠

చ. 2:⁠

పట్టపు వాహనమైన బంగారు శేషుఁడు చుట్టు చుట్టుకొనిన మించుల శేషుఁడు నట్టుకొన్న రెండువేలునాలుకల శేషుఁడు నెట్టన హరిఁబొగడ నేరుపరి శేషుఁడు

⁠

చ. 3:⁠

కదిసి పనులకె ల్లఁ గాచుకున్న శేషుఁడు మొదల దేవతలెల్లా మొక్కే శేషుఁడు అదె శ్రీవేంకటపతి కలమేలుమంగకును పదరక యేపొద్దూ పానుపైన శేషుఁడు

⁠