పుట:తాళ్ళపాక పదసాహిత్యం - మూడవ భాగం.pdf/356

రేకు: 0261-06 సామంతం సం: 03-354 వైరాగ్య చింత

పల్లవి :⁠

అన్నియుఁ జదివితిఁగా ఆహా నేను నున్ననిమాటల నోరు నుడిగెడిదేదో

⁠

చ. 1:⁠

వొద్దనుండే నాజన్మమోహో మరచితిఁగా చద్దివంటి మాతల్లిచన్ను మఱచితిఁగా ముద్దుతోఁ బొరలే మలమూత్రము మఱచితిఁగా యెద్దువంటివాఁడ నేను యెఱిఁగేటిదేదో

⁠

చ. 1:⁠

యిప్పటిచవి రేపటికెంచి తనియలేఁగా తప్పక కాంతలఁ జూచి తలఁపు దనియలేఁగా ముప్పిరిఁ బెక్కుగాలము ముదిసీఁ దనియలేఁగా పిప్పివంటివాఁడ నేను పెనఁగేటిదేదో

⁠

చ. 1:⁠

యేడదో యీదేహమౌత యేనేమి నెఱఁగఁగా కూడిన మనువెక్కడొ గురుతూ నెఱఁగఁగా యీడనే శ్రీవేంకటేశుఁ డిట్టే నన్నుఁ గాచెఁగా నీడవంటివాఁడ నేను నేరుపింకనేదో

⁠