పుట:తాళ్ళపాక పదసాహిత్యం - మూడవ భాగం.pdf/355

రేకు: 0261-05 బౌళి సం: 03-353 రామ

పల్లవి :⁠

ఇంకానేలా తర్కవాదములు యిన్నియు నిందునే ముగిసెను యింకానేలా కొందరు మోక్షం బెవ్వరికిని లేదనుమాటా

⁠

చ. 1:⁠

సరయువు పొంతను సకల జీవులకు సిరుల మోక్షమిచ్చితివని విన్నపుడే మరలుచు నాయనుమానము వాసెను ధర నీవొకఁడవే దైవమవని కంటినయ్యా

⁠

చ. 2:⁠

తగిన లంకవొద్దను రాక్షసులను తెగనడిచి ముక్తితెరువు చూపినపుడే వగలఁ బెక్కుదేవతల వరంబులు జగతి నీపగకు సరిగావయ్యా

⁠

చ. 3:⁠

యేమని చెప్పుదునిట్టి నీ మహిమ వేమరుఁ బురాణవిధి విన్నపుడు శ్రీమంతుఁడవు శ్రీవేంకటేశ్వర కామింప నీకంటే ఘనము లేదుగదవోఅయ్యా

⁠