రేకు: 0261-04 వసంతవరాళి సం: 03-352 వైరాగ్య చింత
| పల్లవి : |
పెఱుగఁగఁ బెఱుగఁగఁ బెద్దలమైతిమి నేము
కఱకఱలే కాని కడగంట లేదు
|
|
| చ. 1: |
హరి నిన్న భుజియించి చాలునన్న యన్నమే
అరిది నేఁడప్పటిని నాస రేఁచీని
ధరలో రాతిరి గూడి తనిసిన సతులే
పరగ నప్పటిని విభ్రాంతి రేఁచీని
|
|
| చ. 2: |
మాయఁ గట్టి విడిచిన మలినపుఁ గోకలు
యీయెడ నుదికితేనే యిచ్చ రేఁచీని
కాయముపై మోఁచి పెట్టెఁ గట్టివేసిన సొమ్ములు
మాయలై దినదినము మమత రేఁచీని
|
|
| చ. 3: |
నీవు వట్టిన చలమో నేము సేసినట్టి తప్పో
శ్రీవేంకటేశ్వరుఁడ చిక్కితి మిందు
మోవరాని మోపయి ములుగనియ్యదు మమ్ము
చేవ సంసారముపైఁ జమ్మి రేఁచీని
|
|
