రేకు: 0258-01 సామంతం సం: 03-331 వైరాగ్య చింత
| పల్లవి : |
ఇంకనైన హరిఁ జేరు యింతే చాలు
సంకెలెల్లాఁ బెడఁబాపి చక్కఁజేసీ నతఁడే
|
|
| చ. 1: |
యెఱఁగక పుట్టితివి యిన్నియోనులందుఁ దొల్లి
తఱినాఁటి కాయఁబోయ దానికేమి
నెఱి నఱకములో నాని తివియుఁ గొన్నాళ్ళు
తఱవాయి దెలుసుకో దానికేమి
|
|
| చ. 2: |
పాపపుణ్యములుసేసి పరులఁగొలిచి తొల్లి
తాపములఁ బొందితివి దానికేమి
వూపసంసారము నమ్మి పుంగుఁడై యిన్నాళ్ళదాఁకా
దాపులేక బ్రతికితి దానికేమి
|
|
| చ. 3: |
జగములో వారిఁ జూచి సారెసారె నాసలనే
దగదొట్టె నీకుఁ దొల్లి దానికేమి
జిగి శ్రీవేంకటపతి చిత్తములో నున్నవాఁడు
తగవెంచుకో జీవుఁడ దానికేమి
|
|
