రేకు: 0257-02 లలిత సం: 03-327 వైరాగ్య చింత
పల్లవి : |
పుట్టినమొదలు నేను పుణ్యమేమీఁ గాననైతి
యెట్టు గాచేవయ్య నన్ను యిందిరానాథా
|
|
చ. 1: |
కామినులఁ జూచిచూచి కన్నులఁ గొంతపాపము
వేమరు నిందలు విని వీనులఁ గొంతపాపము
నామువారఁ గల్లలాడి నాలికఁ గొంతపాపము
గోమునఁ బాపము మేనఁ గుప్పలాయ నివిగో
|
|
చ. 2: |
కానిచోట్లకు నేఁగి కాఁగిళ్ళఁ గొంతపాపము
సేన దానాలందుకొని చేతులఁ గొంతపాపము
మానని కోపమే పెంచి మతిఁ గొంతపాపము
పూని పాపములే నాలోఁ బోగులాయ నివిగో
|
|
చ. 3: |
చేసినట్టివాఁడఁగాన చెప్ప నీకుఁ జోటులేదు
దాఁసుడ నే నైతిఁ గొన దయ దలఁచితివయ్య
యీసరవులెల్లఁ జూచి యేమని నుతింతు నిన్ను
ఆసల శ్రీవేంకటేశ ఆయఁబోయఁ బనులు
|
|