పుట:తాళ్ళపాక పదసాహిత్యం - మూడవ భాగం.pdf/330

రేకు: 0257-03 వరాళి సం: 03-328 వైరాగ్య చింత

పల్లవి :⁠

కలిమిలేములెల్లా కాలము స్వభావము తలఁపులో జ్ఞానము దక్కెడి దొకటే

⁠

చ. 1:⁠

పుట్టుగులు జీవునికి పూఁచిన స్వభావము వొట్టి యిదె సారెసారె వోమనేలా పట్టి నానాఁటి బ్రదుకు ప్రపంచము స్వభావము కొట్టగొన హరిముక్తి గోరెటిదొకటే

⁠

చ. 2:⁠

మక్కువ సంసారము మాయలస్వభావము చిక్కి కన్నవారికెల్లా మొక్కుకోనేలా తక్కక రక్షించేది దైవము స్వభావము నిక్కపు వైరాగ్యము నిలుచుట వొకటే

⁠

చ. 3:⁠

కప్పిన భోగములెల్లా కర్మము స్వభావము తప్పక ప్రియము చెప్పే దైన్యమేలా యెప్పుడు శ్రీవేంకటేశ యెదలో నాకుఁ గలవు చప్పుడుసేయక నీకు శరణనే దొకటే

⁠