ఈ పుట ఆమోదించబడ్డది
రేకు: 0247-04 కన్నడగౌళ సం: 03-269 శరణాగతి
పల్లవి:
ఈయపరాధములు సహించవయ్యా
పాయక మమ్ము రక్షించేపని నీదే కాదా
చ. 1:
ఆకడ నీకడ మాలో నంతర్యామివి నీవు
నీకుఁ జేసే విన్నపాలు నీవెరఁగవా
పైకొని వోరువలేక పదరితి మింతేకాక
రాకపోక నీవు మమ్ము రక్షించకుండేవా
చ. 2:
ఱట్టు కెక్కి దాసుల మఱవక రక్షించే నీవు
గుట్టుతో మమ్ము వహించుకొనకుండేవా
పట్టలేక వేగిరించి పైపై దూరితిమిఁ గాక
ఇట్టే మాకీ సిరులు నీవిచ్చినవే యెపుడు
చ. 3:
యిదె శ్రీవేంకటేశ మమ్మేలినవాఁడవు నీవు
వదలకుండ నీవు నావాఁడవే కావా
అదన మన్నించఁగానే ఆసఁజే చాఁచితిఁగాక
చెదరక నాఁడే నాకుఁ జేతిలోనివాఁడవు