ఈ పుట ఆమోదించబడ్డది
రేకు: 0247-03 లలిత సం: 03-268 అధ్యాత్మ
పల్లవి:
ఒక్కఁడే యీ జీవుఁడు వొడలు మోపనినాఁడు
యెక్కడి కెక్కడి మాయ యేమి గట్టుకొనెనో
చ. 1:
పొంచి గర్భమున మాసు పొదిగి వుండిననాఁడు
యెంచుకొని ముచ్చటాడ నెవ్వరున్నారు
అంచలఁ బరఁదు(?) కొనెయట్టి సంసారమిదియు
అంచుమోచి తానెందు అణఁగుండెనో
చ. 2:
నిచ్చనిచ్చ రాతిరులు నిద్దురవోయేవేళ
యిచ్చలఁ దాఁ జేసే పనులేమున్నవి
కచ్చుపట్టి తన మేనఁ గాచుకున్నకర్మములు
యెచ్చుకుందుల నాచోట నెందు వోయనో
చ. 3:
బుద్ధెరఁగక బాలుఁడై పొత్తులలోనున్నపుడు
కొద్దిలేక తా నెవ్వరి గురుతెరుఁగు
అద్దుక శ్రీవేంకటేశుఁ డంతర్యామై వుండి
తిద్దుక రాఁగానే కాక తెలివెందు నున్నదో