ఈ పుట ఆమోదించబడ్డది
రేకు: 0245-04 బౌళి సం: 03-257 అధ్యాత్మ
పల్లవి:
కమ్మరను జీవునికిని ఇది కారణ మేమియు లేదట
ఇమ్ముల రాజూ నెరఁగని వెట్టెట యెవ్వరికెక్కును నారాయణా
చ. 1;
యిలలో జీవునివిషయభోగమున నెందునుఁ బొరయనివాఁడవట
చలమా యేల పుట్టించితివీ సంసారవారిధిని
కలకాలము నీగర్భగోళమునఁ గాఁపురముండఁగ నిటు చేసి
ఫలమేమి గట్టుకొంటివి భావము దెలుపవే నారాయణా
చ. 2:
నడపెడి యా జగములన్నియును నటనలునీవట తొలుతనే
యెడయక యిందే వినోదించెదవు యెడ్డతనంబా నీకేమి
జడియక నీవే సేసిన చేఁతలు సర్వమును నిలుపఁగవలదా
కడుగఁగనేఁటికి నెంగిలిబూరెట కడవేయవేల (?) నారాయణా
చ. 3:
పరగిన యీ కర్మమార్గములు బంధహేతువని చెప్పితివి
యిరవుగను వేదమార్గములు నేలా కాచుక తిరిగెదవు
గరిమల శ్రీవేంకటేశ్వర యిచ్చాకల్పితములు యిన్నియు నీకు
హరినెరిగించితివిఁక నీచిత్తము సర్వేశ్వర వో నారాయణా
