ఈ పుట ఆమోదించబడ్డది
రేకు: 0245-03 పాడి సం: 03-256 అధ్యాత్మ
పల్లవి:
వారివారి సహజపు వరుస లివి
కారణము తొల్లే హరికల్పితమిది
చ. 1:
వేరే విరుద్ధము లేదు వివేకించి చూచితేను
శూరుఁడై వుండిన మహాసుజ్ఞానికి
యేరీతిఁ జూచినాను యేకసమ్మతి లేదు
సారము దెలియరాని సంసారికి
చ. 2:
సకలభావములును చక్కనయ్యే తోఁచివుండు
ప్రకటించి నేరిచిన ప్రౌఢలకును
అకటా జగడములే అన్నిటా వెంటనే వచ్చు
వికలులైన మూఢవిచారులకు
చ. 3:
సేయఁగల కర్మమెల్లా సేసి తొల్లె ఫలించెను
దాయిదండగల హరిదాసులకును
రాయడిఁ బుణ్యపాపాలు రారాఁపులై యుండు
యేయెడ శ్రీవేంకటేశు నెరఁగనివారికి
