ఈ పుట ఆమోదించబడ్డది
రేకు: 0243-04 దేసాళం సం: 03-245 దశావతారములు
పల్లవి:
అచ్చుతు కృపాలబ్ధ మదియుఁగాక
మచ్చిక నాతఁడు సేసే మతకముఁ గాక
చ. 1:
నానాపాట్లఁ బడె నాఁడు కరి మకరిచే
హీనదెస ప్రహ్లాదుడు హిరణ్యుచేఁ బాటువడె
పానిపట్టి హరి యది పరిహరించనివాఁడా
ఆనుక హరిదాసుల కంతటనే భంగమా
చ. 2:
తగిలి భీష్ముడు శరతల్పమందు నుండఁడా
అగడై విభీషణుఁడు అన్నచేఁ దన్నువడఁడా
పగపాడే చూచుచుండ భాగవతులను హరి (?)
తగినపుణ్యుల నిందు తప్పు లెంచవచ్చునా
చ. 3:
మంతనాన నారదుఁడు మాయలకుఁ లోనుగాఁడా
చెంతల నర్జునునకు చేతులు దెగిపడవా
ఇంతలో శ్రీవేంకటేశుఁడిట్టె వీని మన్నించఁడా
ఇంతటి మహానుభావు లిందుకు జడుతురా
