ఈ పుట ఆమోదించబడ్డది
రేకు: 0243-05 దేసాక్షి సం: 03-246 శరణాగతి
పల్లవి:
పుట్టుగు నీయాధీనమే భోగము నీయాధీనమే
అట్టే యీభావనకు నరుదయ్యీ నాకు
చ. 1:
కాననట్టుండవచ్చు నీకల్పిత సుఖదుఃఖాలు
మేను మోచి మీయాజ్ఞ మీరవచ్చునా
నానాజీవులు పడే నాలిఘోరములు చూచి
దీనికెంత వగతువో దేవ నీ చిత్తానను
చ. 2:
తొట్టిన పాపపుణ్యాలు తొల్లి నీపంపులే
పుట్టిన మీ మాయలెల్లాఁ బో దొబ్బేమా
వొట్టుకొన్నజీవులు వొరలుచుండఁగఁ జూచి
యెట్టు నీవోరిచేవో యీవేదన కిపుడు
చ. 3:
చెచ్చెర యీజన్మములు శ్రీవేంకటేశ్వర నీవే
యిచ్చినవి నీతోడ నెదురాడేమా
నిచ్చలు మావంటివారి నేరుపు నేరాలు చూచి
వచ్చి నే శరణనఁగా వహించుకోవలసె
