ఈ పుట ఆమోదించబడ్డది
రేకు: 0243-03 కన్నడగౌళ సం: 03-244 అధ్యాత్మ
పల్లవి:
సరవులు దెలియఁగఁ జనుఁ గాకా
పరమార్థములో భంగము గలదా
చ. 1:
హరి స్వతంత్రుఁడట హరిసంకల్పము
విరసంబౌనా విశ్వమున
సరవిఁ బ్రపంచపు సకలమతంబులు
వరుస నెంచఁ గొదువలు మఱి కలవా
చ. 2:
యితఁడు పూర్ణుఁడట యితని విహారము
వెతకఁగవలెనా వేమరును
కతకరచిన యీకన్ను లెదిటివే
మతిఁ దోఁచీనిఁక మఱఁగులు గలవా
చ. 3:
అంతరాత్మయట అతని వేరే
చింతించవలెనా సిలుగులను
చెంతనే యిదివో శ్రీవేంకటేశుఁడు
యెంత దెలిసినా యతరము గలదా