ఈ పుట ఆమోదించబడ్డది
రేకు: 0239-04 ముఖారి సం: 03-225 అధ్యాత్మ
పల్లవి:
ఎవ్వరి వసము గెల్వ నింతా వీనిమయమే
యివ్వల నీవు గాచితేనేమోకాని
చ. 1:
వొక్కలోభము నెంచితే వొగి లోకమెల్లాఁ దానే
యెక్కడ చూచినాఁ దానే యీదీపనము
వెక్కసమైనది తానే వేగిలేచి సేసేపని
తక్కక యిన్నిటా నెట్టు తప్పించుకోవచ్చును
చ. 2:
పలుమారు వచ్చీఁదానే పనిలేని పరాకు
వళచుకొన్నది తానే వట్టిభీతి
నిలుచుకున్నది తానే నిలువుననే సిగ్గు
మెలుపున నెటువలె మెదలఁగవచ్చును
చ. 3:
కనుగొంటే నెందూఁ దానే కార్పణ్యము దైన్యము
అనిశము మించీఁ దానే యాచకత్వము
నను నేలకొంటి విదే నమ్మితి శ్రీవేంకటేశ
జనుఁడను యివి నేను సాధించుటెట్టు
