ఈ పుట ఆమోదించబడ్డది
రేకు: 0239-03 దేవగాంధారి. సం: 03-224 ఉపమానములు
పల్లవి:
చూడవే గోవింద సోద్యము లిన్నియు
యేడాఁ గర్తపు యిన్నిట నాకు
చ. 1:
చీరినఁ దునుఁగక చేసిన దురితము
నారవలెనే కడు నారటిలీ
కారుకొని తలఁపు కలఁకగుణంబుల
వారక పెనునదివలెఁ బారీని
చ. 2:
యెఱ్ఱఁగాఁ గ్రూరత్వ మెప్పుడుఁ గొలిమిలో
కఱ్ఱువలెనే కడుఁగాఁగీని
వొఱ్ఱియై ప్రకృతి వొరసి వేఁటలో
యిఱ్ఱివలెనే యెలయించీని
చ. 3:
వీడక నీమూర్తి వెంటవెంటనే
తోడునీడయై తొరలీని
యీడనే శ్రీవేంకటేశ నీ మహిమ
వాడని వనములవలెఁ జిగిరించీని
