ఈ పుట ఆమోదించబడ్డది
రేకు: 0238-03 ధన్నాసి సం: 03-218 అధ్యాత్మ
పల్లవి:
తప్పించుకోరా దిఁక దైవమే గతి
యెప్పుడు నుద్ధరించేవా రెవ్వరును లేరు
చ. 1:
మలసి దేహానందమే మరిగిన యాత్మకు
తొలుత బ్రహ్మానందము దొరకదు
అలవాటై క్షుద్రభోగాలందుఁ జిక్కిన యాత్మకు
బలిమి విరతిఁ బొంద బలపడదు
చ. 2:
సర్వదా బ్రహ్మాండములోఁ జరియించే యాత్మకు
నిర్వహించి వెడలఁగ నేరుపు లేదు
వుర్వి లోపలి చింతలుడుగని యాత్మకు
నిర్వికారభావము నెలకొనదు
చ. 3:
విరసవర్తనలనే వెలసేటి యాత్మకు
పరగఁ బేదలమీఁది భక్తి పుట్టదు
ధరలో శ్రీవేంకటేశుదాసుఁడుగాని యాత్మకు
వెర పేమిటా లేదు వెదకి చూచినను
