ఈ పుట ఆమోదించబడ్డది
Î
రేకు: 0234-05 దేసాళం సం: 03-196 అధ్యాత్మ
పల్లవి:
ఓడవిడిచి వదర వూరకేల పట్టేవు
గోడ గడుగ నడుసే కురిసీనో మనసా
చ. 1:
చిత్తము లోపలనున్న చింతామణి యీహరి
యిత్తలఁ గోరినవెల్లా నియ్యఁగాను
తత్తరించి తలఁచక దవ్వువోయి పరులకు
దెత్తివై యేల నోళ్లు దెరిచేవో మనసా
చ. 2:
కన్ను లెదుటనే హరి కల్పవృక్షమై యుండి
మన్నించి లోకమెరఁగ మనుపఁగాను
యెన్ని వలసిన మరి యీతనినే యడుగక
కన్నవారి నేలడుగఁ గటకటా మనసా
చ. 3:
శ్రీవేంకటేశుఁడే మనచేతి పరుసమై యుండి
తావున నిహపరాలు తానియ్యఁగాను
భావించి మొక్కక వేరే బద్దులైన జీవులను
దావతిపడుచు నేల తగిలేవో మనసా